Konkursi Nderkombetar i Studenteve Saint-Gobain 2026

Saint-Gobain, në bashkëpunim me Qytetin e Beogradit, Klubin Akademik të Lundrimit Beograd, Shoqatën Green Blue Corridors dhe Këshillin për Ndërtim të Gjelbër të Serbisë, organizon një tjetër konkurs ndërkombëtar për studentë – Architecture Student Contest.
Qëllimi i konkursit është transformimi i një pjese të bregut të lumit Sava në një qendër sportive dhe rekreative – rivitalizimi i zonës së ish-fabrikës së çimentos dhe integrimi organik i Klubit Akademik të Lundrimit të Beogradit në një hapësirë publike të hapur dhe të qëndrueshme.
Vendndodhja është brenda Parkut Dimëror të Bežanijës, pranë promenadës dhe Kalasë së Kalemegdanit, dhe është plotësisht në përputhje me objektivat e Planit të Përgjithshëm Urban të qytetit: një pozicion strategjik me potencial për t’u bërë motor i rigjenerimit urban.

Detyra e projektimit

• Objekt i ri (Objekti A): projektimi i akomodimit për atletët dhe ambienteve shoqëruese (kafe, dhoma zhveshjeje, zona trajnimi, hapësira të gjelbra)
• Rikonstruksion (Objekti B): rinovimi i katit përdhes dhe katit të parë të ndërtesës së Klubit Akademik të Lundrimit, duke theksuar rëndësinë historike të klubit (kati i dytë nuk përfshihet në detyrë)
• Pjesa tjetër e zonës: gjidhje konceptuale për fusha sportive, aktivitete ujore, kafene, dyqane ose muze sportiv
• Lidhja: projektimi i shtigjeve për këmbësorë dhe biçikleta, si dhe hapësirave të gjelbra

Qëllimi i konkursit

• T’u mundësojë studentëve të punojnë në projekt në kushte reale, me theks të veçantë në qëndrueshmëri dhe në marrëdhënien me mjedisin urban.

Kriteret e vlerësimit

1) Tema e projektit përfshin dy propozime arkitektonike:​

• Ndërtesa e re
• Rikonstruksioni i ndërtesës ekzistuese

2) Fokus në qëndrueshmëri

3) Përputhja me kërkesat minimale, përdorimi korrekt i produkteve dhe zgjidhjeve Saint-Gobain në projekt, si dhe cilësia dhe konsistenca e detajeve konstruktive në raport me fiziken e ndërtesës.​​

Këto aspekte janë thelbësore dhe do të vlerësohen nga juria në nivel kombëtar, ndërsa të gjitha kriteret do të merren parasysh edhe për renditjen në nivel ndërkombëtar.

Teacher’s Days​

​Saint-Gobain organizon çdo vit një aktivitet të quajtur Teacher’s Days, i cili zhvillohet para fillimit të konkursit.

Ky aktivitet dy-ditor u mundëson mentorëve nga universitetet pjesëmarrëse të njihen virtualisht dhe në detaje me detyrën e konkursit, duke i ndihmuar të përgatisin më mirë ekipet e tyre.