Angazhimet Tona ndaj Planetit
Ne duam t'i "kthejmë atë që morëm" planetit, prandaj kemi vendosur objektiva të qarta për emetimet e CO2, ekonominë rrethore, ujin dhe transparencën e produkteve.
Ne jemi të përkushtuar për të arritur neutralitetin e karbonit deri në vitin 2050. Kjo do të thotë që ne nuk do të prodhojmë më shumë emetime CO2 sesa jemi në gjendje të kapim ose integrojmë në produktet tona. Për të përmbushur premtimin tonë dhe për të zvogëluar gjurmën tonë mjedisore, ne po optimizojmë gradualisht proceset tona të prodhimit dhe logjistikës.
1. Reduktojmë gjurmën ekologjike të ndërtesave
Kompania jonë është një pionere e vërtetë në fushën e ndërtimit të qëndrueshëm. Ne zhvillojmë dhe prodhojmë materiale dhe zgjidhje për reduktimin e gjurmës ekologjike të ndërtesave, nga sistemet e izolimit tek xhami për dritare dhe fasadat. Ne do t'ju ndihmojmë të arrini certifikatat LEED, BREEAM dhe Multi Comfort.
2. Ne reduktojmë ndikimin ekologjik të prodhimit
Të jesh lider do të thotë, ndër të tjera, të japësh shembull, prandaj dhe ne mendojmë edhe për gjurmën tonë ekologjike. Ne tashmë përdorim mbetje nga produktet tona ose mbetje nga ndërtimi dhe prishja në prodhimin tonë. Por ne po planifikojmë shumë më tepër - shikoni qëllimet tona.
Angazhimet tona për 2030 dhe 2050* ose Nga fjalët në veprime
Edhe ne kemi kontribuar në ndryshimin e klimës dhe tani është koha për ta rregulluar atë. Ne kemi vendosur synime të qarta për vitet e ardhshme:
Emetimet direkte të CO2
Ne do të reduktojmë emetimet e drejtpërdrejta të CO2 nga djegia e karburanteve (p.sh. gazi natyror, koksi) dhe emetimet indirekte nga energjia e blerë me 33%.
Emetimet indirekte të CO2
Ne do të reduktojmë emetimet indirekte të CO2 nga zinxhiri ynë i vlerë (lëndët e para, transporti, udhëtimi…) me 16% deri në vitin 2030.
Neutraliteti i karbonit
Angazhimet për të reduktuar emetimet e CO2 deri në vitin 2030 janë hapi i parë në rrugën tonë drejt neutralitetit të karbonit. Dhe ne do të vazhdojmë!
Uji
Deri në vitin 2030 do të ulim me 50% konsumin e tij dhe nuk do të shkarkojmë asnjë ujë të ndotur në zonat e kërcënuara nga thatësira.
Ekonomia rrethore
Tashmë po përdorim mbetje ndërtimi dhe mbetje nga produktet tona. Do të reduktojmë mbetjet e pa ricikluara me 80% deri në vitin 2030.
Riciklimi i lëndëve të para
Lëndët e para kryesore janë në rënie, ndaj ne duam të zëvendësojmë të paktën 30% të tyre me materiale të riciklueshme deri në vitin 2030.
Riciklimi i paketimit
Paketimi për produktet tona do të përmbajë të paktën 30% të materialit të ricikluar dhe do të jetë plotësisht i riciklueshëm.
Transparenca e produktit
Ne kryejmë një analizë të ciklit të jetës (LCA) për të gjitha linjat e produkteve për të ditur ndikimin e tyre në mjedis.
*Synimet verifikohen sipas nismës së Science based targets. (Arritja e këtyre objektivave të rinj konsiderohet në terma absolutë dhe do të krahasohet me vitin bazë të 2017-ës.). Këto objektiva do të na ndihmojnë në rrugën drejt angazhimit tonë kryesor afatgjatë për arritjen e NEUTRALITETIT TË KARBONIT deri në vitin 2050.