EnveoKleber Premium Light

Shtoni 17 kg ngjitës në 6-6,8 l ujë të pastër (kontrolloni informacionin më të saktë në paketim), përzieni me mikser elektrik deri në fund të kovës, derisa materiali të bëhet homogjen. Pas përzierjes, lëreni EnveoKleber Premium light për 5-10 minuta dhe përzieni edhe një herë, dhe më pas duhet të përdoret brenda afatit max. 1 ore.

Vendosni profilin fillestar të fasadës përpara ngjitjes së paneleve izoluese, në mënyrë që të udhëzoni drejtimin e fasadës. Pas kësaj, filloni ngjitjen me EnveoKleber Premium light.

Përpara aplikimit të ngjitësit në panelet prej leshit të gurit është e nevojshme të kryhet aplikimi me shtresë të hollë në gjithë sipërfaqen e paneleve në të cilat do të aplikohet ngjitësi EnveoKleber Premium light. Për ngjitjen EPS dhe XPS, aplikoni ngjitësin në anën e pasme të pllakës izoluese – në formë shiriti dhe me pika të bollshme në mes. Ngjitësi EnveoKleber Premium light duhet të mbulojë të paktën 40% të sipërfaqes së pllakave, në mënyrë që të arrihet ngjitja duhur me bazamentin. Panelet termoizoluese duhet të ngjiten duke përdorur metodën e zhvendosjes, duke zhvendosur rreshtin pasardhes të paneleve me minimum 30 cm, në mënyrë që të shmanget mbivendosja e fugave vertikale. Në qoshet e ndërtesës zbatohet metoda e mbivendosjes alternative (rregulli i nyjeve të dhëmbëzuara - ngjitja e tërthortë e paneleve termoizoluese). Kur ngjitni panelet termoizoluese rreth hapjeve të fasadës, sigurohuni që të mos përputhen linjat e hapjes me linjat e fugave të pllakave. Hapësira ndërmjet paneleve izoluese duhet të mbushet me material termoizolues dhe jo me ngjitës, në mënyrë që të parandalohet shfaqja e urave termike.

Fiksimi me upa dhe prerja e tepricës së paneleve në qoshe duhet të fillojë të paktën 48 orë pas ngjitjes. Numri minimal i numrit të upave/tipllave është 5 copë/m² për EPS, dhe  

6 copë/m² për lesh guri ku fikimi me upa duhet të përfshijnë edhe gozhdë hekuri. Fiksimi i upave/tipllave në sipërfaqe duhet të bëhet direkt përmes ngjitësit. Fiksimi me upa/tiplla është i detyrueshëm nga lartësia ±0.00, dhe numri i saktë përcaktohet në bazë të parametrave të kërkuar të fasadës.  

Përpara rrafshimit dhe përforcimit të të gjithë sipërfaqes së termoizolimit, kryeni përforcime këndore rreth e rrotull hapjeve në fasadë, duke shtypur rrjetën e fasadës me dimensione minimale 30x50 cm në shtresën e freskët të rrafshuesit EnveoKleber Premium, në mënyrë të tillë që shiritat e rrjetës të vendosen në këndin 45° në lidhje me skajet e hapjes. Më pas vendosen aksesoret për përforcimin e skajeve (këndore PVC me rrjetë, pikore horizontale , profile fundore etj.).

Rrafshuesi aplikohet në termoizolim me mistri të dhëmbëzuar prej inoksi me thellësi minimale të dhëmbëve 8 mm me një lëvizje. Shtypni butësisht rrjetën e përforcimit EnveoTherm në shtresën e ngjitësit të sapo aplikuar, duke u siguruar që mbivendosjet e rrjetës të jenë të paktën 10 cm të gjera. Pas të paktën 24 orësh, filloni rrafshimin përfundimtar të sipërfaqes me ngjitës.

Trashësia totale e ngjitësit në sistemin me EPS duhet të jetë 4 mm, dhe në sistemin me Lesh Guri të paktën 5 mm. Vendoseni rrjetën në mënyrë që të jetë midis rrjetës dhe pllakës izoluese, në 2/3 e trashësisë totale të rrafshuesit. 

Aplikimi i astarit/bazës të fasadave duhet të bëhet pasi EnveoKleber Premium light të jetë tharë plotësisht ose jo më së shpejti në 48 orë nga aplikimi i shtresës përfundimtare të ngjitësit.

* Të gjithë parametrat e deklaruar i referohen kushteve standarde të motit: temperatura 20°C, lagështia relative deri në 65%. 

Gjatë instalimit dhe tharjes, materiali duhet të mbrohet nga dielli, era dhe shiu për të paktën 48 orë. Metoda e rekomanduar e mbrojtjes përfshin vendosjen e rrjetës së skelës, por mund të jetë e pamjaftueshme në rast se ndikimi është me intensitet të fortë. Temperatura e sipërfaqes dhe e ajrit gjatë aplikimit të ngjitësit të fasadës duhet të jetë ndërmjet 5°C dhe 30°C. Në rast se kushtet e motit nuk përputhen me kërkesat; është e nevojshme të ndërpritet puna dhe të pritet për kushtet optimale.

Prodhuesi rekomandon aplikimin në sipërfaqe të vogla për provë për t'u siguruar që produkti/

bazamenti janë përgatitur siç duhet dhe nëse kushtet e përshtatshme për përdorim dhe instalim janë siguruar. Nëse jo, ju lutemi ndaloni punën dhe kontaktoni përfaqësuesin lokal Saint-Gobain. Kompania nuk mban përgjegjësi për gabimet në kryerjen e punimeve me materialin e deklaruar si dhe përdorimi i materialit për qëllime që nuk janë përmendur në përshkrimin e produktit. Ankesat e paraqitura pas kryerjes së punimeve nuk do të pranohen.