Çfarë është sistemi ETICS?

Ngjitësi i fasadës

Siguron aderimin optimal të nënshtresave dhe materialeve izoluese. Shumë shpesh natyra e nënshtresës, tiparet specifike të peshës së objektit dhe shtresa përfundimtare kërkojnë ndërhyrje shtesë për fiksimin mekanik. Vetitë e ngjitësit mund të ndryshojnë në varësi të llojit të pllakave izoluese dhe natyrën e nënshtresës. Me ndihmën e aditivëve të ndryshëm (mbushësat dhe lidhësat) ndryshojnë vetitë e caktuara të ngjitësave.

Pllakat e izolimit

Detyra kryesore e izolimit është të parandalojë transferimin e nxehtësisë dhe të reduktojë konsumin e energjisë për ngrohje në dimër, si dhe të mbrojë nga i nxehti i jashtëm në verë. Zgjedhja e materialeve izoluese ndikon kryesisht në kushtet e sipërfaqes, pra karakteristikat e saj të veçanta. Kur zgjedhim ndërmjet izolimeve të ofruar të fasadës, përveç izolimit termik është e rëndësishme të merren parasysh kriteret e tjera, të tilla si rezistenca ndaj zjarrit, shpërndarja e përshkueshmërisë, fortësia ndaj presionit, ndjeshmëria ndaj lagështisë etj. Duhet të jemi gjithmonë të vetëdijshëm për rëndësinë e tyre, të mjedisit në të cilin ne marrim sasinë e energjisë të nevojshme për prodhimin e materialeve izoluese dhe mundësinë e riciklimit. Zgjedhja e izolimit të fasadës në kombinim me llojin e nënshtresës janë ato që përcaktojnë llojin e ngjitësit të fasadës dhe grafiaton.

Ngjitës fasade për shtresën e armuar

Ngjitësat e përdorur janë universalisht të përshtatshëm për ngjitjen e pllakave izoluese dhe përforcimin e shtresës së rrjetës së fasadës. Në disa raste, ngjitësat e përdorur për ngjitjen e pllakave izoluese gjithashtu përdoren për shtresën e armuar. Madhësia e grimcave të rërës dhe aditivëve të ndryshme ndikojnë në vetitë aplikative dhe ngjitëse të caktuara dhe gjithashtu ndikojnë në shpejtësinë e tharjes dhe përshkueshmërisë së avujve të ujit.

Rrjeta e fasadës

Rrjeta e përforcuar i nënshtrohet tensionit të fasadës nga bymimi dhe tkurrja e saj, si dhe spazmat që rezultojnë në çarje në sipërfaqen e fasadës dhe të grafiatos. Thelbësore është mënyra e aderimit të shtresës alkali-rezistente në ngjitësin e fasadës. Rëndësi të madhe mbart ekzekutimi i duhur dhe shtresat e instalimit në skaje dhe hapje.

Astari/Baza

Para aplikimit të shtresës përfundimtare rekomandohet përdorimi i astarit/bazës. Astari përdoret për të ngopur dhe zbutur nënshtresën për të arritur absorbim uniform, dhe gjithashtu siguron lidhjen e mirë të nënshtresës me shtresat sipërfaqësore.

Shtresa përfundimtare

Shtresa përfundimtare, e cila rrethon perimetralisht objektin, përfaqëson pjesën më të ngarkuar të sistem fasadës, sepse ajo është e ekspozuar ndaj ndikimeve të vazhdueshme të mjedisit. Detyra kryesore e shtresës përfundimtare është mbrojtja e përhershme nga kushte të pafavorshme të motit dhe parandalimi i penetrimit të lagështisë e cila shkakton dëmtimin e thelbit të sistemit të fasadave dhe strukturave të ndërtimit. Së dyti, dhe kohët e fundit gjithnjë e më e rëndësishme, është estetika që lejon kombinimin e ngjyrës në grafiaton shtresëhollë. Shtresat përfundimtare janë të varura drejtpërdrejtë nga cilësia e bazës mbi të cilën ato janë aplikuar. Shtresat përfundimtare aplikohet në një nënshtresë duke kombinuar aderimin dhe lidhjet mekanike, që njësohen dhe lëvizin së bashku. Procesi jo i plotë i tharjes në shtresat e përforcuara krijon efektin e tkurrjes në këto të fundit dhe mund të shkaktojë të çara në grafiato.

Shtresat përfundimtare duhet të sigurojnë:

• Vlerë të ulët w – absorbimi i lagështisë, duke parandaluar lagështinë e komponentëve të tjerë të sistemit

  (sipas standardeve ETAG, kjo vlerë duhet të jetë nën 0.5 kg/m² në 24h)

• Vlerë të ulët μ – depërtueshmëria e avujve, e cila lejon kalimin e avullit të ujit dhe parandalimin e

  kondensimit nën suva

• Vlerë të ulët SD - një pengesë për kalimin e avujve të ujit që ka trashësi të njëjtë me ajrin dhe rezistencë

  të barabartë.